မြတ်ဗုဒ္ဓသာသနာမှာ လက်ဝဲတော်ရံ လက်ယာတော်ရံ ဆိုတာရှိတယ်။ လက်ဝဲတော်ရံဆိုတာ တန်ခိုးအရာမှာ ဧတဒဂ်ရတဲ့ အရှင်မဟာမောဂ္ဂလာန်ပါ။ လက်ယာတော်ရံဆိုတာ ပညာအရာမှာ
ဧတဒဂ်ရတဲ့ အရှင်သာရိပုတ္တရာပါ။ တန်ခိုးက လက်ဝဲ၊ ပညာက လက်ယာ။ တန်ခိုးဆိုတာ အာသဝေါတရားတို့ရဲ့ ကုန်ရာခန်းရာ အရဟတ္တဓဇ၊ အရဟတ္တရဲ့ အလံတံခွန်သာ ဖြစ်တယ်။
ပညာဆိုတာကတော့ ဝိပဿနာပညာ၊ မဂ်ပညာ၊ ဖိုလ်ပညာကနေ နိဗ္ဗာန်ကို ရဖို့ရောက်ဖို့ပါ။ ပုထုဇဉ်တို့ရဲ့ စိတ်သဘာဝဆိုတာ အဆန်းကြိုက်၊ တစ်ခုရိုး တစ်မျိုးပြောင်းပြီး တစ်သံသရာလုံး
ဆန်းတယ်ထင်တာတွေ နောက်လိုက်ခဲ့ကြတယ်။ ရိုင်းရိုင်းပြောရရင် လမ်းဘေးကမျောက်ပွဲ၊ မျက်လှည့်ပွဲ ကအစ ဆန်းတယ်ထင်တာမှန်သမျှမှာ လူတွေမေ့မျောသာယာ နေတတ်ကြတယ်။
ဒီတော့ တန်ခိုးရဲ့ဆန်းဆန်းပြားပြား ဖမ်းစားမှုအပေါ် မေ့လျော့တွေဝေ သာယာနေကြရင် မဂ်ပညာ ဖိုလ်ပညာ ကွယ်မှာပဲ။ မဂ်ပညာ ဖိုလ်ပညာကွယ်ရင် သာသနာကွယ်မှာပဲ သာသနာကွယ်ပြီဆိုတာနဲ့
သတ္တဝါတွေရဲ့သံသရာ ဝဋ်ဆင်းရဲဒုက္ခအပေါင်းက လွတ်မြောက်ရာတရားတွေလည်း ကွယ်တာပဲ။ ယောဂီတို့ တရားထိုင်ရာမှာလည်း တင်ပျဉ်ခွေကြား လက်နှစ်ဖက်ယှက်တင်တဲ့အခါ
လက်ဝဲလက်ကို အောက်က လက်ယာလက်ကို အပေါ်ကထားရတာလည်း ဒီသဘောပဲ။ လက်ဝဲဆိုတဲ့ တန်ခိုးသဘောကို လက်ယာဆိုတဲ့ပညာက ဖုံးထားအုပ်ထား ဆင့်ထားရတယ်။
တစ်နည်းအားဖြင့်တော့ လက်ဝဲက သမထ၊ လက်ယာက ဝိပဿနာ။ သမထတန်ခိုးကိုသာ ပြလိုက်လို့ကတော့ အညှီယင်အုံသလို နေတော့မှာပေါ့။ ရုပ်နာမ်ဖြစ်ပျက်တွေ အနိစ္စ ဒုက္ခ အနတ္တတွေ
ဘာမှဟောလို့ပြောလို့ နားဝင်တော့မှာ မဟုတ်ဘူး။ တန်ခိုးပြမိရင် တန်ခိုးပဲကိုးကွယ်မှာ။ ဝိပဿနာပညာ၊ ဖိုလ်ပညာ၊ မဂ်ပညာတွေဆိုတာ ကျင့်ကြံအားထုတ်ရမှန်းတောင် သိမှာမဟုတ်တော့ဘူး။
တန်ခိုးလောက် မိန်းမောနေရင် သံသရာဝဋ်ဆင်းရဲက မလွတ်မြောက်နိုင်ဘူး။ ဒါ့ကြောင့် တန်ခိုးဆိုတာ ဖုံးထားအပ်သောအရာ၊ ပညာသာလျှင် အမြဲအစဉ်ဖွင့်ထားအပ်သော အရာ၊ ဖော်ထားအပ်သော အရာ၊
ဒါကြောင့် တန်ခိုးကို ကိုယ်စားပြုတဲ့ လက်ဝဲဘက်ကို သင်္ကန်းနဲ့ ဖုံးထားရတယ်။ ပညာကို ကိုယ်စားပြုတဲ့လက်ယာဘက်ကိုတော့ ဖွင့်ပြထားရတယ်၊ ဖော်ထားရတယ် – မဟာဗောဓိမြိုင်ဆရာတော်ကြီး။ ခရက်ဒစ်ဗဟုသုတကမ္ဘာ
0 comments:
Post a Comment